Ази даяар төрөлт буурч буй энэ үед Вьетнам улс 35 нас хүрэхээсээ өмнө хоёр хүүхэд төрүүлсэн эмэгтэйчүүдэд санхүүгийн дэмжлэг үзүүлэхээр төлөвлөж байна. Төрийн мэдлийн Viet Nam News сонинд мэдээлснээр уг бодлого 2027 оны нэгдүгээр сараас хэрэгжиж эхэлнэ. Шаардлага хангасан эмэгтэйчүүдэд хамгийн багадаа 75 ам.долларын дэмжлэг олгоно. Мөн энэ дэмжлэг нь үндэстний цөөнхийн бүлгийн эмэгтэйчүүд болон төрөлтийн түвшин маш бага болсон бүс нутагт амьдарч буй эмэгтэйчүүдэд хамаарна.
Хөтөлбөрт жирэмсний тэтгэмж, төрөлтийн дэмжлэг, эх болон нярай хүүхдийн эрүүл мэндийн үзлэг багтаж байна. Вьетнам улс өнгөрсөн жил олон жилийн турш хэрэгжүүлсэн “хоёр хүүхдийн бодлого”-оо цуцалсан. Тус бодлого нь хүн амын өсөлтийг хянах зорилготой байв.
Хэдийгээр Вьетнамын хүн ам өссөөр байгаа ч Хо Ши Мин хот зэрэг томоохон хотуудад төрөлт буурч байна. Мэргэжилтнүүдийн үзэж буйгаар тус улсын хөдөлмөрийн насны хүн ам 2030-аад оны сүүлээр оргил үедээ хүрэх төлөвтэй байна. Харин эрх баригчид хүн амын насжилт ирээдүйн эдийн засгийн өсөлтөд сөргөөр нөлөөлж болзошгүй гэж анхааруулжээ.