САН-ФРАНЦИСКО, 2026 оны есдүгээр сарын 6 /Kazinform/. “OpenAI” компани хиймэл оюуны шинэ загвар болох “GPT-6 Astra”-г танилцууллаа. Энэхүү загвар нь хэрэглэгчээс алхам бүрээр заавар авахгүйгээр компьютер дээрх даалгавруудыг бие даан гүйцэтгэж чаддаг ажээ.
Тодруулбал, программууд, цахим хуудсуудыг нээх, баримт бичигтэй ажиллах, танилцуулга бэлтгэх, хүснэгт үүсгэх, код бичиж шалгах, интернэтээс мэдээлэл хайх, өгөгдөлд дүн шинжилгээ хийх зэрэг үйлдлүүдийг гүйцэтгэх чадвартай.
Танилцуулгын үеэр уг загвар “Blender” программаар 3D загвар бүтээж, дараа нь “Unreal Engine 5” руу шилжүүлжээ. Мөн уралдааны тоглоомын кодыг бичиж, график дүрслэл нэмэн тоглоом хэвийн ажиллаж байгаа эсэхийг шалгасан байна.
“GPT-6 Astra” загвар мөн нарийн төвөгтэй даалгавруудыг гүйцэтгэх чадварыг шалгасан сорилтуудад өндөр үнэлгээ авсан байна. Тухайлбал, “ARC-AGI-3” сорилд 99.9 хувь, “ExploitBench” сорилд 100 хувийн үнэлгээ авчээ.
“OpenAI” компани энэхүү загварынхаа хамгаалалтын системийг сайжруулж, болзошгүй аюултай даалгавруудтай ажиллахад зориулсан хязгаарлалтуудыг нэмсэн байна.
Одоогоор “GPT-6 Astra”-г хязгаарлагдмал тооны байгууллагад ашиглах боломжтой. Ойрын хугацаанд уг загварыг “ChatGPT Plus”, “Pro”, “Business”, “Enterprise” хувилбаруудын хэрэглэгчдэд, мөн API-гаар дамжуулан нэвтрүүлэхээр төлөвлөжээ.