Улаанбаатар, 2026 оны наймдугаар сарын 23 //. Манай орны нутгийн зүүн хойд хэсгээр өнөөдөр бага зэргийн бороо орж сэрүүвтэр байх талаар ЦУОШГ-аас мэдээлэв.
Ихэнх нутгаар солигдмол үүлтэй. Төв болон говийн аймгуудын нутгийн зүүн хэсэг, зүүн аймгуудын нутгийн зарим газраар бороо, дуу цахилгаантай аадар орно. Салхи зүүн аймгуудын нутгийн хойд хэсгээр баруун өмнөөс баруун хойш эргэж, бусад нутгаар баруунаас секундэд 5-10 метр, нутгийн зарим газраар борооны өмнө түр зуур ширүүснэ.
Монгол-Алтай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Байдраг, Тэрэлж голын хөндийгөөр +15+20 градус, Хангай, Хэнтийн уулархаг нутаг, Эг, Үүр, Орхон, Сэлэнгэ, Хараа, Ерөө, Туул, Хэрлэн, Онон голын хөндийгөөр +19+24 градус, говийн бүс нутгийн өмнөд хэсгээр +27+32 градус, бусад нутгаар +22+27 градус дулаан байна.
Улаанбаатар хот орчмоор үүл багасаж, бороо орохгүй. Салхи баруунаас секундэд 5-10 метр, өдөртөө +20+22 градус дулаан байна.