Энэтхэгийн Мумбай хотын Coastal Road замд BMW автомашин гүүрний хашлага мөргөн доош унасны улмаас гурван хүн амиа алдаж, нэг хүн хүнд гэмтжээ.
Осол есдүгээр сарын 20-ны өглөөний 05:20 цагийн орчимд Lotus Jetty орчимд болсон байна. Автомашин Marine Drive-аас Haji Ali чиглэлд зорчиж явжээ.
Автомашинд дөрвөн хүн зорчиж байсан бөгөөд 21, 19, 17 настай гурван залуу амиа алдаж, 20 настай зорчигч хүнд гэмтсэн байна.
Цагдаагийн урьдчилсан мэдээллээр автомашин ойролцоогоор 120 км/цагийн хурдтай явж байсан бол тухайн хэсгийн зөвшөөрөгдсөн дээд хурд 80 км/цаг байжээ. Машин хашлага мөргөсний дараа 23 метр орчим доош унасан байна.
Аврах албаныхан гэмтсэн хүнийг эмнэлэгт хүргэсэн бөгөөд цагдаа ослын шалтгаан, хурд болон жолооч согтууруулах ундаа хэрэглэсэн эсэхийг шалгаж байна.
Видео:
