/Kazinform/. Америкийн тулаанч Жастин Гэйтжи Цагаан ордны талбайд болсон “UFC Freedom 250” тэмцээний гол тулаанд Испанийн нэрийн өмнөөс тулалддаг Гүрж гаралтай, нэг ч удаа ялагдаж байгаагүй Илья Топурияг яллаа. Ингэснээр тэрбээр 28 дахь ялалтаа авч байна.
И.Топурия энэхүү тулаанд UFC-ийн хөнгөн жингийн аваргын хувиар оролцсон бол Ж.Гэтжи тус жингийн түр аваргын бүсийг эзэмшиж байв. Аваргын төлөөх тулаан таван үе үргэлжлэхээр товлогдсон байсан хэдий ч И.Топурия тулааныг цааш үргэлжлүүлэх боломжгүй болж, сүүлчийн үед дэвжээнд гарч чадаагүй байна.
Энэхүү ялалтыг байгуулснаар Ж.Гэтжи UFC-ийн хөнгөн жингийн аваргын бүсийг хүртсэн бол И.Топурия мэргэжлийн холимог тулааны замнал дахь анхны ялагдлаа хүлээснээр 17 дараалсан ялалтын цуврал нь зогслоо.
Тус тэмцээний хоёр дахь гол тулаанд Францын хүнд жингийн тулаанч Сирил Ган (15 ялалт, 2 ялагдал) Бразилын тулаанч Алекс Перейраг (13-5) хоёрдугаар үед техникийн нокаутаар ялснаар UFC-ийн хүнд жингийн түр аваргын бүсийг хүртжээ.