Засгийн газрын ээлжит хуралдаан 2026 оны арваннэгдүгээр сарын 4-нд боллоо.
Хууль зөрчсөн, хүнд суртал үүсгэсэн 113 албан тушаалтанд хариуцлага тооцохыг Ерөнхий сайд үүрэг болголоо
Аудитын байгууллагаас 113 албан тушаалтанд хариуцлага тооцох албан шаардлага ирүүлжээ. Хууль зөрчсөн, хүнд суртал үүсгэсэн эдгээр албан тушаалтанд хариуцлага тооцохыг салбарын сайд, аймаг, нийслэлийн Засаг дарга нарт даалгалаа. Хэнд, ямар хариуцлага тооцсон талаар ирэх долоо хоногт олон нийтэд мэдээлэхийг ЗГХЭГ-ын удирдлагуудад Ерөнхий сайд Н.Учрал үүрэг болголоо.
Мөн Татварын ерөнхий газрын дарга Б.Цогтнаран, Мал эмнэлгийн ерөнхий газрын дарга Х.Алтангэрэл, Хөрөнгө оруулалт, худалдааны газрын дарга Б.Зандан нарыг хууль хяналтын байгууллага, төрийн албаны зөвлөлөөс ирүүлсэн мэдэгдэлд үндэслэн ажлаас нь чөлөөлөв.
Түр томилгоотой байгаа Төрийн нарийн бичгийн дарга, агентлагийн дарга болон төрийн албан хаагчийн албан тушаалд өнөөдрөөс нээлттэй сонгон шалгаруулалт зарлалаа. Засгийн газрын шийдвэр дунд, доод шатанд гацаж, замхарч байгааг Хяналт хэрэгжүүлэх газраас хийсэн шалгалтын дүн харуулж байгаад Засгийн газрын гишүүд хяналт тавьж, хариуцлагатай ажиллахыг анхааруулав.
Хариуцлага тооцохдоо хэлмэгдүүлэхгүй, хууль зөрчсөн нэгнийг хамгаалахгүй зарчим баримтлах ёстойг Ерөнхий сайд хэллээ.
Нөмрөгийн дархан цаазат газрын зэрлэг амьтдад идэш, тэжээл хүргэнэ
Нөмрөгийн дархан цаазат газарт гарсан түймрийн улмаас зэрлэг амьтдын идэш, тэжээл хомсдсонтой холбоотой биотехникийн арга хэмжээ авах ажлыг шуурхай зохион байгуулж ажиллахыг холбогдох албан тушаалтнуудад даалгалаа.
Нөмрөгийн дархан цаазат газрын 468,965.7 га буюу нийт нутаг дэвсгэрийн 80 орчим хувь нь түймэрт өртсөн гэсэн урьдчилсан тооцоо гарсан. Бичигт уулын урд Нарийн голын хэсэг, Хавирга уулын урд болон баруун хэсэг түймэрт өртөөгүй үлджээ. Энэ хэсэгт зэрлэг амьтдын бөөгнөрөл, нягтрал ердийн үеийнхээс илүү ажиглагдаж байгааг биологийн шинжээчдийн судалгаагаар тогтоожээ.
Иймээс энд өвөлжих зэрлэг амьтдад идэш, тэжээлийн хомсдолтой холбоотой биотехникийн арга хэмжээ хэрэгжүүлэх шаардлагатай болжээ.
2018, 2022 онд хийсэн Нөмрөгийн дархан цаазат газар болон түүний орчны бүс нутгийн ойн туруутан амьтдын тархац, байршил, тоо толгойн судалгаагаар 3,000 гаруй буга, 300 гаруй хандгай, 10,000 гаруй бор гөрөөс байх боломжтой гэсэн тооцоо байна. Эдгээр амьтдад өвс тэжээл бэлтгэх, тээвэрлэн хүргэх зардал 629 сая төгрөгийг Засгийн газрын нөөц сангаас гаргахаар шийдвэрлэв.
Б.Пүрэвдагва: Энэ өвөл 7-10 мянган айлын яндан буулгана
Нийслэлийн Засаг дарга бөгөөд Улаанбаатар хотын Захирагч Б.Пүрэвдагва Нийслэлийн 2026-2027 оны өвөлжилтийн бэлтгэл ажлын талаар мэдээлэл хийлээ.
Хот, нийтийн аж ахуйн 38 байгууллагын 3200 ажилтан машин, техник хэрэгсэлтэйгээр өвөлжилтийн бэлтгэл хангаж, ажиллаж байна. 11025 тонн давс, 9736.2 тонн бодис нөөцлөхөөр төлөвлөж 80 хувьтай байна.
2026-2027 оны өвөл НҮБ-ын Хүүхдийн сантай хамтран 7-10 мянган өрхийг гэр, сууцны дулаалга, эрчим хүчний хэмнэлттэй, дулаан хуримтлуур бүхий цахилгаан халаалтын иж бүрэн шийдэлд шилжүүлнэ. Мөн НҮБ-ын Хөгжлийн хөтөлбөртэй хамтран гэр хорооллын өрхүүдэд нийт 2.4 МВт-ын хүчин чадалтай батарей хуримтлуулах системтэй хосолсон нарны цахилгаан станцыг байгуулна.
Энэ өвөл 280 мянган хагас кокс, 180 мянган тонн шахмал түлш хэрэглэнэ. Өнгөрсөн оны мөн үетэй харьцуулахад агаарын бохирдол 10-14 хувиар буурсан байна.
Нийтийн тээврийн хүрэлцээг нэмэгдүүлэх хүрээнд 13 чиглэлд 21 автобус, шинээр зургаан богино эргэлтэд автобус нэмлээ. Энэ өвөл 160 автобусаар парк шинэчлэл хийнэ гэлээ.
113 албан тушаалтанд хариуцлага тооцох үүрэг өгсөн нь зөв алхам. Хүнд суртал буурах ёстой.
Аудитын дүгнэлт гарсан юм байна. Одоо бодит ажиллагаа эхлэх үү?
Засгийн газрын хуралдаанаар ийм шийдвэр гарсан нь сайн. Гэхдээ хэрэгжилтийг хянах хэрэгтэй.
Holding 113 officials accountable is a significant step for reducing bureaucracy.
Хууль зөрчсөн албан тушаалтнууд олон байсан уу. Яагаад өмнө нь илрээгүй юм бэ?
Ерөнхий сайдын үүрэг тодорхой. Одоо яамд хэрхэн ажиллахыг харъя.
113 гэдэг тоо их. Нэг дор ийм олон хүн хариуцлага хүлээх нь ховор.
Хүнд суртал үүсгэсэн гэж тодорхойлсон нь зөв. Иргэдэд хүрэх үйлчилгээ сайжрах ёстой.
Аудитын байгууллага ажилласан гэж байна. Ил тод байдал нэмэгдэх үү?
Энэ шийдвэр хэрэгжих эсэх нь гол асуудал. Өмнө ийм зүйл байсан уу?
Албан тушаалтнууд ямар албан тушаалтай байсан бэ. Дэлгэрэнгүй мэдээлэл хэрэгтэй.
Засгийн газар идэвхтэй ажиллаж байна. Хариуцлага тооцох нь зөв.
Хуралдаан өнөөдөр болсон. Үр дүн хэзээ гарах вэ?
113 хүн гэдэг нь системтэй асуудал байгааг харуулж байна.
Хүнд суртал бууруулах зорилготой алхам. Дэмжиж байна.
Аудитын дүгнэлт дээр үндэслэсэн шийдвэр гэж ойлголоо. Зөв.
Ответственность за бюрократию — важный шаг. Надеюсь, это улучшит работу госорганов.
Ерөнхий сайд үүрэг болгосон. Одоо хяналт сул байхгүй гэж найдаж байна.
Иргэд энэ мэдээнд анхаарал хандуулах ёстой. Хариуцлага тооцох нь чухал.
113 албан тушаалтан. Тодорхой нэрсийг зарлах уу?
Энэ нь төрийн байгууллагуудын ажилд эерэг нөлөө үзүүлэх ёстой.
Хууль зөрчсөн гэж тогтоосон бол хариуцлага заавал байх ёстой.
Засгийн газрын энэ удаагийн хуралдаан үр дүнтэй болсон гэж бодож байна.