Олон улсын сагсан бөмбөгийн холбооноос зохион байгуулдаг 3х3-ын цуврал тэмцээн Д.Сүхбаатарын талбайд өчигдөр эхэллээ.
3х3-ын цувралын эхний тэмцээн болох “Sukhbaatar Challenger”-д Серби, Япон, Монгол, Испани, Тайвань, АНУ, Хорват, Литва, Шинэ Зеланд, Солонгос, Непал гэсэн 11 орны 16 баг өрсөлдөж байна. Манай улсаас нутгийнхаа талбайд “Улаанбаатар Энержи”, “Сансар”, “Хархорум”, “Тэрэлж” гэсэн дөрвөн баг оролцож байгаа юм. Тус тэмцээнд эхний гурван байрт шалгарсан баг “Lausanne masters”-т оролцох эрх халаасална. Тэмцээний эхний таван байрт шалгарсан багийг мөнгөн шагналаар шагнах бөгөөд түрүүлсэн нь 20 мянган ам.доллар гардана. Харин мөнгөн медалийг 15000, хүрлийг 10000, дөрөв болон тавдугаар байр эзэлсэн баг 6000-8000 ам.долларын эзэн болно.
“А” хэсгээс Сербийн “Лиман”, Монголын “Сансар”
“В” хэсгээс АНУ-ын “Лос Анжелес”, Тайванийн “Тайпэй”
“С” хэсгээс Хорватын “Сибона”, Монголын “Улаанбаатар Энержи”
“D” хэсгээс Литвийн “Каунас”, Испанийн “Фуэнжирола” баг шалгараад байна.
Хасагдах шатны тоглолтын хуваарь
15:00 цагт: Лиман-Тайпэй
15:30 цагт: Каунас-Улаанбаатар Энержи
16:00 цагт: Сибона-Фуэнжирола
16:30 цагт: Лос Анжелес-Сансар
Гэрэл зургийг Г.Мөнх-Од