Гал унтраах техник спортын 26 дахь удаагийн улсын аварга шалгаруулах тэмцээн өнөөдөр довтолгооны шатны төрлөөр эхэллээ. Тус тэмцээнд эрэгтэй 29, эмэгтэй 2 багийн нийт 340 орчим алба хаагч оролцож байгаагийн 27 нь эмэгтэй тамирчин байна.
Гал унтраах техник спорт Монгол улсад 1956 оноос хөгжиж эхэлсэн бөгөөд (хуучнаар) ЗСБНХУ-ын Ленинград хотын Галын техникийн дунд сургууль төгсөж ирсэн алба хаагчид анх суурийг тавьж байжээ.
БНМАУ-ын Сайд нарын зөвлөлийн дэргэдэх Монголын Биеийн тамир, Спортын улсын хорооны шийдвэрээр 1985 оноос бүсийн тэмцээнийг жил бүр, улсын аварга шалгаруулах тэмцээнийг хоёр жилд нэг удаа зохион байгуулдаг уламжлал тогтсон юм.
