Үндэсний “Мод тарих өдрүүд”-ийг 2026 оны есдүгээр сарын 26-наас аравдугаар сарын 11 хүртэл зохион байгуулна. Намрын арга хэмжээний нээлт есдүгээр сарын 27-нд Үндэсний цэцэрлэгт хүрээлэнд болно.
Арга хэмжээг Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний хүрээнд зохион байгуулж, иргэдийн оролцоотойгоор хотын ногоон байгууламжийг нэмэгдүүлэх зорилго тавьжээ.
Албаныхны мэдээлснээр Үндэсний цэцэрлэгт хүрээлэнгийн 280 га талбайд 30 төрөл зүйлийн 181 мянган мод тарьсан бөгөөд тэдгээрийн 97.8 хувь нь ургаж байна.
Мод тарих найман байршил
- Баянгол дүүргийн 20 дугаар хороо, Баянгол цэцэрлэгт хүрээлэн;
- Сонгинохайрхан дүүргийн 21 дүгээр хороо, Инчеоны мөрөөдлийн төгөл;
- Чингэлтэй дүүргийн 16 дугаар хороо, Хоймор хайрхан мод тарих цэг;
- Баянзүрх дүүргийн 28 дугаар хороо, Олон улсын эко цэцэрлэгт хүрээлэн;
- Баянзүрх дүүргийн 20 дугаар хороо, мод үржүүлгийн газар;
- Налайх дүүргийн 7 дугаар хороо, Шинэ Налайх цэцэрлэгт хүрээлэн;
- Хан-Уул дүүргийн 14 дүгээр хороо, Айцын ам;
- Хан-Уул дүүргийн 14 дүгээр хороо, Түргэний голын Ногоон хэрэм зурвас.
Иргэд мод тарихаас өмнө тухайн байршлын зохион байгуулагчдаас суулгац, багаж хэрэгсэл болон арчилгааны нөхцөлийг тодруулах нь зүйтэй.
