“Дэлхийн цирк Монголд 2026” олон улсын тоглолт энэ сарын 18-ны өдөр нээлтээ хийж, ирэх тавдугаар сарын 10-ныг дуустал үзэгч олны хүртээл болохоор “Аса Арена”-д хөшгөө нээсэн. Энэ удаагийн тоглолт нь шинэчлэгдсэн “Аса Арена”-д зохион байгуулагдаж буй циркийн анхны албан ёсны тоглолт гэдгээрээ ач холбогдолтой юм. Орчин үеийн стандартыг хангасан шинэ орчинд дэлхийн 12 орны шилдэг циркийн жүжигчид хуран цугларч, гайхамшигт тоглолтоо толилуулж байна.
Тоглолтын хөтөлбөрт олон улсад хүлээн зөвшөөрөгдсөн акробат, уран нугаралт, агаарын гимнастикийн үзүүлбэрүүдээс гадна амьтдын үзүүлбэр байгаа юм. Тухайлбал, Итали улсаас ирсэн 11 сургуулалтай бар, дэгжин эзэн хааны пудель ноход болон бөмбөгөөр наадагч авхаалжтай муурнуудын үзүүлбэр үзэгчдийг суудлаас нь өндөлзүүлж, шоуны гол чимэг болж буй.
“Дэлхийн цирк Монголд 2026” тасалбараа Ticket.mn сайтаар дамжуулан хүссэн суудлаа захиалах боломжтой юм.
