БЭЭЖИН, 2026 оны наймдугаар сарын 3 /Xinhua/. Хятад улс шинэ үеийн мэдлэгийн хязгаарт тулсан олон нийтэд нээлттэй загваруудаараа дамжуулан буурай хөгжилтэй орнууд, шинийг санаачлагчдад дэвшилтэт хэдий ч боломжийн үнэтэй компьютерийн программ зэрэг тооцооллын хэрэгслүүдийг нийлүүлснээр дэлхийн “оюуны чадамжийн зөрүү”-г арилгаж хиймэл оюун ухааны ертөнцийг өөрчлөх чиглэлээр томоохон алхам хийгээд байна.
Бээжинд төвтэй “Moonshot AI” стартап компани даваа гарагт загварын хүртээмж, техникийн тайлан, сургалтыг дэмждэг гол дэд бүтэц зэрэг тэргүүлэх “Kimi K3” системийн бүрэн багцыг танилцууллаа.
Энэхүү түүхэн загвар нь “Mixture-of-Species” (MoE) хүрээнд бүтээгдсэн 2.8 их наяд параметртэй бөгөөд үндсэн дүрсүүдийг ойлгох чадвар, урт текстийг жигд боловсруулах урьд өмнө байгаагүй 1 сая токен контекст бүхий цонхоор тоноглогджээ.
Шинэ загвар нь зөвхөн параметрийн өргөтгөлд тулгуурладаггүй. Өөрөө боловсруулсан тооцооллын архитектур, сургалтын оновчлолын тусламжтайгаар тухайн баг тоног төхөөрөмжийн хязгаарлагдмал нөөцтэй байсан ч тооцооллын үр ашгийг 250 хувиар нэмэгдүүлж, тооцооллын хүчний нэгж тутамд илүү ухаалаг гаралтыг бий болгосон гэж тус компанийн албан ёсны WeChat хаяг дээрх мэдэгдэлдээ дурджээ.
Одооноос эхлэн дэлхий даяарх хөгжүүлэгчид дотоод судалгаа эсвэл эцсийн хэрэглэгчид хүргэх бүтээгдэхүүн гаргах зорилгоор уг загварыг байгаа газраасаа чөлөөтэй татаж авах, ажиллуулах, дасан зохицох боломжтой болсон гэж мэдэгдэлд үргэлжлүүлэн дурджээ.
“Moonshot Ai”-ийн араас нэхэн Alibaba-гийн Qwen баг дараагийн үеийн томоохон хэлний загвар болох Qwen3.8-ийн урьдчилсан хувилбарыг танилцуулж, 2.4 их наяд параметрийн системийг удахгүй бүрэн хэмжээгээр гаргаж, нээнэ гэж мэдэгдлээ.