НЬЮ-ЙОРК, 2026 оны долоодугаар сарын 18. /ТАСС/. Хэдийгээр Канадад дэгдсэн ойн түймрийн утаа Нью-Йорк хот болон зэргэлдээх газруудыг бүрхээд байгаа боловч 19-нд болох ДАШТ-ий финалын тоглолтыг хойшлуулахаар төлөвлөөгүй гэдгээ Олон улсын хөл бөмбөгийн холбоо /ФИФА/ мэдэгдлээ.
Үүссэн нөхцөл байдалтай холбогдуулан ФИФА-гийн төлөөлөгчид болон ДАШТ-ийг зохион байгуулах асуудал эрхэлсэн Цагаан ордны ажлын хэсгийн ахлагч Эндрю Жулиани нар албан бус уулзалт хийсэн байна.
Цаг уурчдын өгсөн мэдээллээр, 18-19-ний өдрүүдэд агаарын чанар муудсаны дараа нутгийн ихэнх хэсэгт түймрийн утаа сарних ажээ.
ДАШТ-ий финалын тоглолт Нью-Йоркоос холгүй орших Ист-Ратерфорд хотын “Метлайф” цэнгэлдэх хүрээлэнд болно. 17-ны өдрийн байдлаар Нью-Йорк хот дахь агаарын чанарын индекс 166 байсан нь “эрүүл мэндэд хортой” үзүүлэлт юм.
Харин одоо эл үзүүлэлт 67 болж буурчээ.