Монголын бокс 1948 онд Ардын хувьсгалын 27 жилийн ойн баяр наадмаар Яармагийн дэнж дээр зассан ринг дээрээс анхны үүсэл хөгжлөө эхлүүлсэн бөгөөд эдүгээ олимп, дэлхий, тивийн аварга тамирчдыг төрүүлсэн Монголын тэргүүлэх спортын төрөл болжээ. Монголын боксчдыг олимпийн их наадам, дэлхий, тив, олон улсын хэмжээнд гаргасан амжилтаар нь дэлхий дахин мэддэг болсон. Баг тамирчид, дасгалжуулагчид, дэмжигчдийн нөр хөдөлмөр, зүтгэлийн үр дүнд өнгөрсөн 78 жилийн хугацаанд Монголын боксчдоос дэлхийн медальтан 33, олимпын медальтан 7 төрсөн бөгөөд бокс нь олимпоос алтан медаль хүртсэн Монгол Улсын спортын топ дөрвөн төрлийн нэг билээ.
