Монгол орны ихэнх нутгаар өнөө, маргаашдаа дулаарч, салхи ихтэй хуурайшилт нэмэгдэх тул болзошгүй гал түймрийн аюулаас сэрэмжлүүлж байна.
Ихэнх нутгаар өнөөдөр солигдмол үүлтэй. Увс нуурын хотгор, Монгол-Алтай, Хангай, Хөвсгөлийн уулархаг нутгаар бага зэргийн бороотой, бусад нутгаар бороо орохгүй. Салхи нутгийн зүүн хэсгээр баруун хойноос, бусад нутгаар баруун өмнөөс секундэд 5-10, Алтайн уулархаг нутгаар 13-15 метр хүрч ширүүсэхийг ЦУОШГ мэдээллээ.
Ихэнх нутгаар дулаарч Дархадын хотгор, Монгол-Алтай, Хэнтийн уулархаг нутаг, Заг-Байдраг голын эх, Туул, Тэрэлж, Хэрлэн, Онон голын хөндий, Дарьгангын тал нутгаар 18-23, Их нууруудын хотгор, Алтайн өвөр говиор 28-33, бусад нутгаар 22-27 градус дулаан байна.
Улаанбаатар хот орчмоор багавтар үүлтэй, бороо орохгүй, салхи баруун өмнөөс секундэд 4-9 метр, 22-24 градус дулаан, Багануур орчмоор багавтар үүлтэй, бороогүй, салхи баруун өмнөөс секундэд 5-10 метр, 20-22 градус дулаан байна. Тэрэлж орчмоор багавтар үүлтэй, бороо орохгүй, салхи баруун өмнөөс секундэд 3-8 метр, 18-20 градус дулаан байх төлөв гарчээ.