Украины ерөнхийлөгч Зеленский есдүгээр сарын 16-ны өдөр “NHK”-д ярилцлага өгчээ. Энэ үеэрээ тэр Украины дайн Зүүн Азийн бүс нутгийн аюулгүй байдалд нөлөөлнө гэж анхааруулав. Тэр дундаа Оростой харилцаагаа гүнзгийрүүлж буй Хойд Солонгосыг Зеленский онцолжээ.
Тэрбээр “Хойд Солонгос улс олон мянган цэргээ тулаанд илгээсэн. Энэ бол том асуудал. Яагаад гэвэл Хойд Солонгос улс цэргүүдээ илгээснээр орчин үеийн дайны туршлага хуримтлуулж байна. Тэдний хувьд цэрэг илгээх нь тийм зардалтай байгаагүй. ОХУ Хойд Солонгост том гарз хохиролгүйгээр дайны туршлага хуримтлуулахыг зөвшөөрсөн гэсэн үг. Энэ нь Зүүн Азийн бүс нутгийн аюулгүй байдлыг нэмэгдүүлж байгаа юм” гэжээ.
Зеленский Хятадыг мөн дурджээ. Тэрбээр “Би Хятадын пуужинг огт харж байгаагүй. Гэхдээ пуужин, дронуудад Хятадад үйлдвэрлэсэн эд анги их хэмжээгээр ордог. Энэ дайнд Хятад улс улс төрийн хувьд бидний талд зогсохгүй байгаа нь харамсалтай. Асуудал нь зэвсэг хэрэгсэлд ч байгаа юм биш. Энэ бол улс төрийн хүсэл зоригийн асуудал. Хятад зэрэг орны хүчирхэг удирдагчид ийм дайныг эхлүүлж ч чадна, зогсоож ч чадна” гэжээ.
Мөн тэрбээр кибер аюулгүй байдал, дрон зэрэг батлан хамгаалахын салбарт Японтой хамтран ажиллахыг хүсч буйгаа илэрхийлсэн байна.