ПАРИС, 2026 оны наймдугаар сарын 14 /ТАСС/. Өнгөрсөн сард дууссан хөл бөмбөгийн ДАШТ-ий финалын тоглолтын цорын ганц гоолыг оруулсан Испанийн довтлогч Ферран Торрес Францын “Пари Сен-Жермен” клубт шилжин ирэхээр болжээ. Энэ тухай спортын сэтгүүлч Фабрицио Романо Х нийгмийн сүлжээний хуудсандаа бичсэн байна.
Трансфер буюу шилжилтийн үнийн дүн 50 сая евро болж байгаа бөгөөд ПСЖ, Барселона багууд хэдийн гэрээ байгуулжээ.
Өдгөө 26 настай Торрес 2022 оноос хойш Барсад тоглож байгаа бөгөөд өнгөрсөн хугацаанд гурван удаа Испанийн аварга болон Испанийн Супер цомын эзнээр шалгарч, нэг удаа Испанийн цомыг хүртсэн байна.
Өмнө нь тэрбээр Испанийн “Валенсиа”, Английн “Манчестер Сити” багуудад тоглож байсан бөгөөд Английн аваргаар хоёр удаа шалгарч, Английн лигийн цомыг хүртэж байв. Мөн “Валенсиа”-д байхдаа Испанийн цомын тэмцээнд түрүүлжээ.
Түүнчлэн Испанийн шигшээ багийн бүрэлдэхүүнд 2024 онд Европын АШТ, 2023 онд Үндэстнүүдийн лигийн тэмцээнд түрүүлснээс гадна 2026 оны ДАШТ-ий финалын тоглолтын цорын ганц гоолыг нэмэлт цагт Аргентины хаалганд оруулсан билээ.