ОХУ-аас нефтийн бүрэн хамааралтай Монгол Улсын хувьд шатахууны хангамж, нийлүүлэлт саарснаар иргэд ШТС-ын гадаа хонон өнжин дугаарлахаас аргагүйд хүрээд байна. Орон нутагт шатахуун тасраад буй. Салбар яамнаас улсын хэмжээнд АИ-92 бензин 15 хоногийн, түлшний 20 хоногийн нөөцтэй гэж мэдэгдэж буй ч Улаанбаатар хот дахь ШТС-ууд лимит тогтоож, хязгаарлалт хийснээр иргэд шатахуун худалдан авахад бүтэн өдрийг зарцуулахаас аргагүйд хүрч буй. Хэрэглэгчид шатахуун авахын тулд хамгийн багадаа 5-6 цагийг дараалалд өнгөрүүлж байгаа бол ШТС-уудын гадна хонож дугаарлах тохиолдол ч олон байна. Мөн ШТС нь түгээх шатахуунгүй, бензин нь дууссан автомашинуудаа хөдөлгөх боломжгүй болсон дүр зургийг Улаанбаатар хотоос харж болно.
Гэрэл зургийг А.Бямбахишиг