Ойрын өдрүүдэд ихэнх нутгаар дулаан байна гэж Цаг уур, орчны шинжилгээний газар мэдээлэв.
Ихэнх нутгаар өнөөдөр солигдмол үүлтэй. Увс нуурын хотгор, Алтай, Хангай, Хөвсгөл, Хэнтийн уулархаг нутгаар бороо, дуу цахилгаантай аадар бороо орно. Бусад нутгаар бороо орохгүй.
Салхи ихэнх нутгаар баруунаас секундэд 5-10 метр, нутгийн зарим газраар борооны өмнө түр зуур ширүүснэ.
Алтайн уулархаг нутаг, говийн бүс нутгийн хойд хэсэг, Дорнод, Дарьгангын тал нутгаар +26+31 градус, Их нууруудын хотгор, говийн бүс нутгийн өмнөд хэсгээр +32+37 градус, бусад нутгаар +21+26 градус дулаан байна.
Улаанбаатар хот орчмоор үүлэрхэг. Бороо орохгүй. Салхи баруун хойноос секундэд 4-9 метр. Өдөртөө +23+25 градус дулаан байна.