Улаанбаатар, 2026 оны зургаадугаар сарын 6 //. Манай орны нутгийн зүүн хагаст сэрүүхэн, өнөөдөр бороотой байх талаар ЦУОШГ-аас мэдээллээ.
Ихэнх нутгаар солигдмол үүлтэй. Баруун аймгуудын нутгийн өмнөд, төв болон говийн аймгуудын нутгийн зүүн хэсэг, зүүн аймгуудын ихэнх нутгаар бороо, уулаараа нойтон цас орно. Ихэнх нутгаар баруун хойноос секундэд 5-10 метр, нутгийн зарим газраар борооны өмнө түр зуур ширүүснэ.
Их нууруудын хотгор, Алтайн өвөр говиор +24+29 градус, Алтайн уулархаг нутаг, Эг, Үүр, Орхон Сэлэнгэ, Хараа, Ерөө голын сав газар, говийн бүс нутгийн өмнөд хэсгээр +19+24 градус, бусад нутгаар +13+18 градус дулаан байна.
Улаанбаатар хот орчмоор үүлшинэ, бороо орохгүй. Салхи хойноос секундэд 5-10 метр, +15+17 градус дулаан байх аж.