МОСКВА, 2026 оны есдүгээр сарын 23 /РИА Новости/. Нидерландын Роттердам хотод болох спортын гимнастикийн дэлхийн аварга шалгаруулах тэмцээнд Оросын тамирчид World Gymnastics-ийн далбаан дор оролцоно гэж Оросын Гимнастикийн холбоо мэдээллээ.
ДАШТ аравдугаар сарын 17–25-нд болно. Оросын тамирчид наймдугаар сард Хорватын Загреб хотод болсон Европын аварга шалгаруулах тэмцээнд мөн World Gymnastics-ийн далбаан дор өрсөлдсөн юм.
Оросын Гимнастикийн холбоо энэ зохицуулалтыг шилжилтийн үеийн түр арга хэмжээ гэж тайлбарлажээ.
World Gymnastics-ийн Гүйцэтгэх хороо тавдугаар сарын 17-нд Оросын гимнастикчдыг улсынхаа далбаа, төрийн дуулалтайгаар олон улсын тэмцээнд оролцохыг зөвшөөрсөн. Харин уг шийдвэрээс өмнө хуваарь нь батлагдсан тэмцээнүүдэд холбооны далбаан дор оролцож болохыг тэмдэглэсэн байна.
