Улаанбаатар, 2026 оны зургаадугаар сарын 19 //. Монгол, Германы боловсролын салбарын хамтын ажиллагааны 100 жилийн ойн хүрээнд “ГРАФИК 2026” график-бар зургийн уран бүтээлчдийн хамтарсан үзэсгэлэн Монголын Урчуудын Эвлэлийн үзэсгэлэнгийн танхимд 6 дугаар сарын 13-20-нд гарч байна.
Монгол Улсын Соёлын элч Ц.Ган-Эрдэнийн санаачилсан уг хамтарсан үзэсгэлэнд Монголын график, бар зургийн уран бүтээлчид болон ХБНГУ-ын графикийн мэргэжлийн уран бүтээлчид оролцож, график, бар зургийн уламжлалт болон орчин үеийн олон төрлийн арга техникүүдийг чөлөөтэй хослуулан бүтээсэн эх бүтээлүүдийг дэлгэн толилуулахын зэрэгцээ өөрсдийн туршлага, арга барил, судалгааг бусад салбарын уран бүтээлчид болон үзэгчидтэй хуваалцаж, хэлэлцүүлэг, бар зураг хэвлэх воркшопыг хамтран зохион байгуулж байгаа юм. 
Гэрэл зургийг Г.Мөнх-Од