“Авто замын засвар арчлалтын нэгтгэл” ТӨХК-ийн Налайх дүүрэг дэх салбар Улаанбаатар-Өндөрхаан чиглэлийн автозамын ПК32-33.2 дахь замын хэсэгт ээлжит засварын ажлыг хийхээр болжээ.
Засварын ажлыг Зэвсэгт хүчний 014 дүгээр ангийн урдах автобусны буудлаас “Шүрэн” дэлгүүр хүртэлх 1,2 км автозамыг энэ сарын 29-нөөс долоодугаар сарын 8-ныг хүртэл хийж гүйцэтгэнэ. Тус хугацаанд Зэвсэгт хүчний 353-р ангийн уулзвараас Налайх дүүргийн 4 дүгээр хороо руу салдаг уулзвар хүртэл автозамыг түр хугацаанд хаана.
Тиймээс зүүн аймгууд болон Тэрэлж чиглэлд зорчих зорчигч, тээврийн хэрэгслүүдийг 353-р ангийн уулзвараар Налайх дүүргийн төв рүү нэвтрэн Буян Налайхын уулзвараар чигээрээ цааш зорчин, Хоргын уулзвараар зүүн эргэн, 4 дүгээр хорооны голын зам буюу Божуугийн замаар Налайх-Тэрэлжийн постоор зорчин зорьсон чиглэлд хөдөлгөөнөө үргэлжлүүлэхийг зөвлөж байна.
