Мексикийн тусгай хүчин өнгөрсөн сарын 22-нд “Jalisco New Generation Cartel”-ын хамтран үүсгэн байгуулагч бөгөөд толгойлогч Эль Менчо хочит Нэмэсио Осегуэра Сервантесийг хөнөөсөн билээ.
Тэгвэл тус улсын хамгийн том картелын толгойлогчийг оршуулах ёслол Даваа гаригт /2026.03.02/ боллоо. Түүнийг Мексикийн хоёр дахь том хот Гуадалажарагийн захад орших Запопаны оршуулгын газарт том том цэцгэн хэлхээ бүхий гялалзсан алтан авсанд оршоожээ. Оршуулах ёслолын үеэр гашуудагсад хар шүхэр барин ирсэн байх ба бүс нутгийн уламжлалт хөгжмийг тоглуулж байжээ. Менчог оршуулсан байршлын талаар мэдээлсэн албан тушаалтан нэрээ нууцлахыг хүссэн аж.
Түүний үхэлд гашуудал илэрхийлсэн нэргүй цэцгийн баглаа Ням гаригаас хойш хэд хэд иржээ. Мөн азарган тахианы дүрсийг зарим цэцэгт нь багтаасан байжээ. Учир нь Эль Менчог амьд ахуйд нь “Азарган тахиануудын эзэн” ч гэж хочилдог байв.
Эль Менчогийн цогцсыг Мехико хотод аваачиж, задлан шинжилгээ хийлгэсний эцэст Бямба гаригт гэрийнхэнд нь хүлээлгэн өгсөн байна.
