Нийслэлийн иргэдийн Төлөөлөгчдийн хурал-аас Үндэсний цэцэрлэгт хүрээлэнгийн 40 га талбайд Үндэсний их театр болон спортын ордон барих шийдвэр гаргасан.
Уг шийдвэрийг эсэргүүцэн хуульч, өмгөөлөгч А.Базар, Б.Амгаланбаатар нар 2025 оны аравдугаар сарын 16-ны өдөр Нийслэл дэх захиргааны хэргийн анхан шатны шүүхэд хүчингүй болгуулах тухай нэхэмжлэл гаргасан байна. Шүүх нэхэмжлэлийн дагуу хэрэг үүсгэн, нэхэмжлэлийг НИТХ-д гардуулж тайлбар ирүүлэхийг шаарджээ. Гэвч одоогийн байдлаар Нийслэлийн зүгээс шүүхэд албан ёсны тайлбар ирүүлээгүй байгаа талаар хуульч, өмгөөлөгч А.Базар, Б.Амгаланбаатар нар мэдээллээ.
