ОХУ-ын ерөнхийлөгч Владимир Путин ерөнхий сайдын нэгдүгээр орлогч Денис Мантуровд “Оросын баатар” цол олгожээ. “Ерөнхийлөгчийн зарлигаар Денис Валентинович Мантуровд ‘Оросын баатар’ гэсэн дээд цол олголоо” гэж Чеченийн удирдагч Рамзан Кадыров энэ долоо хоногийн Даваа гаригт (2026.02.23) Кремлийн өндөр албан тушаалтны 57 насны төрсөн өдөрт нь баяр хүргэх үеэрээ “Telegram” дээр бичсэн байв. Кадыров өөрөө 2004 онд Оросын баатар цолыг хүртсэн.
Энэхүү шагнал нь цэргийн алба хаах үеийн эр зориг гаргасантай холбоотой улсын дээд шагнал аж. Тус улсын засгийн газартай холбоотой “Telegram” мэдээллийн сувгуудын иш татан мэдээлсэн эх сурвалжууд хэлэхдээ, Мантуровыг Украинд тусгай цэргийн ажиллагааны үеэр болон олон улсын тавцанд батлагдсан Оросын батлан хамгаалах салбарт гаргасан амжилтынх нь төлөө цол олгосон гэж мэдэгджээ.
Мантуровын Оросын баатар цолыг баталгаажуулсан ерөнхийлөгчийн зарлиг Үндэсний гвардын жил бүрийн уулзалтын үеэр ил болжээ. Учир нь Росгвардийн захирал Виктор Золотов дэд сайдыг “Оросын баатар” гэж танилцуулсан юм. 2024 оны тавдугаар сард одоогийн албан тушаалдаа дэвшихээсээ өмнө Мантуров Үйлдвэр, худалдааны сайдаар ажиллаж байсан. Түүний улс төрийн нэр хүнд нь сүүлийн жилүүдэд Орос улс дайны зорилгоор цэргийн үйлдвэрлэлийг тэргүүлэх чиглэл болгож, худалдааг Барууны хориг арга хэмжээнд нийцүүлэх хүчин чармайлтын дунд өссөн юм.