Цаг уур, орчны шинжилгээний газраас үерийн түвшинд хүрч үерлэж байгаа голуудын мэдээллийг гаргажээ.
Долоодугаар сарын 12-ны өдрийн байдлаар Үүр гол Цагаан-Үүр сумын нутгаар, Сэлбэ гол Санзай амралт орчмоор, Халх гол Сүмбэр, Ялалт баг орчмоор, Хараа гол Дархан хот орчмоор, Ховд гол Мянгад сум орчмоор, Туул гол Лүн сум орчмоор, Сөгнөгөр гол Сөгнөгөр амралт орчмоор үерийн түвшинг 2~47см даван үерлэжээ.
Иймд дээрх голууд болон гол мөрний сав дагуу аялж , амарч яваа ард иргэдийг голын эрэг хөвөө дагуу бууж суурьшихгүй байх, бага насны хүүхдэд тавих анхаарал халамжаа сайжруулах, голын ус руу орохгүй байхыг анхаарууллаа.
