ОХУ-ын ерөнхийлөгч Владимир Путин Агаарын довтолгооноос хамгаалах асуудлыг хариуцдаг зэвсэгт хүчний салбар болох Агаар, сансрын хүчний тэргүүнийг албан тушаалаас нь чөлөөлсөн байна. 2023 онд албан тушаалаа хүлээн авсан генерал Виктор Афзаловыг хурандаа генерал Александр Чайкогоор сольсон тухай эх сурвалж мэдээлжээ. Дайныг дэмжигч, нөлөө бүхий телеграм суваг болох “Fighterbomber”-ын анхлан мэдээлсэн энэхүү томоохон халаа сэлгээний талаар Кремль одоогоор тайлбар өгөөгүй байна.
Чайко нь 2019-2021 оны хооронд Сири дэх Оросын хүчнийг удирдаж байсан ахмад командлагч юм. Путин 2020 онд түүнд Оросын баатар медалийг нууц зарлигаар олгосон гэж мэдээлсэн байдаг. Европын Холбоо Чайког Буча дахь Оросын эзлэн түрэмгийллийн үеэр ахлах командлагчаар ажилласан гэж буруутган гуравдугаар сард түүнд хориг арга хэмжээ авсан юм.