-Өнөөдөр болох үйл явдал-
Улаанбаатар, 2026 оны дөрөвдүгээр сарын 2 //.
-Засгийн газраас зохион байгуулж буй Үндэсний баялгийн сангийн орлогыг нэмэгдүүлэх, хуваарилалтыг шударга болгох, зөв зохистой зарцуулах, цэгцлэх зорилго бүхий “Монгол хүн-Баялгийнхаа эзэн” Зөвлөлдөх санал асуулгыг дөрөвдүгээр сарын 3-ныг хүртэл Үндэсний статистикийн хороотой хамтран орон даяар зохион байгуулж байна.
“Улаанбаатар-2026” боксын Ази тивийн АШТ “Аса Арена”-д болно.
13:00 цагт: МУЭ-ийн гишүүн, СТА зураач Н.Ринчин-Очирын “Тэнгэрийн хэл” үзэсгэлэнгийн нээлт Г.Занабазарын нэрэмжит Дүрслэх урлагийн музейд болно.
14:00 цагт: “Их Монгол улсын харьяат хүмүүс: Нэр, хоч” лекц “Чингис хаан” үндэсний музейн хурлын их танхимд болно.
14:30 цагт: “Монголын түүхч нар монголын түүхийг хэрхэн бичиж ирсэн нь: XX зууны эхний хагасын түүх бичлэг ба шинжлэх ухаан” цуврал семинар МУИС-ийн II байранд болно.
16:00 цагт: “Хийморь”олон нийтийн үзэсгэлэнгийн нээлт МУЭ-ийн арт галерейд болно.
-“Хаврын баяр”-ын цуврал үйл ажиллагаа Д.Сүхбаатарын талбайд болж байна.
Үзэсгэлэн:
-Уран бүтээлч Б.Хүрэлбаатарын “Нар цэцэг” үзэсгэлэн энэ сарын 5-ыг хүртэл “Бий контемпорари” арт галерейд гарна.
-“Р.Чойном-90 жил” үзэсгэлэн энэ сарын 7-ныг хүртэл Монголын Үндэсний музейд гарна.
Хилийн чанадад:
-Олон улсын засмал замын дугуйн “Tour of Thailand 2026” тэмцээнд Монгол Улсын үндэсний шигшээ багийн тамирчин, олон улсын хэмжээний мастер Б.Марал-Эрдэнэ оролцож байна.
-Италийн Турин хотын Дорно дахины урлагийн музейд “Занабазар: Тал нутгийн мэлмий” сэдэвт үзэсгэлэнг энэ сарын 7-ныг хүртэл олон нийтэд толилуулна.
-Киприйн Пежейа хотноо дэлхийн аваргатай өрсөлдөх шатарчныг тодруулах тэмцээн энэ сарын 16-нийг хүртэл болно.
-ОХУ-ын нийслэл Москва хотын Кремлийн музейд “Чингис хааны удмынхан: Оросууд ба даян дэлхий” үзэсгэлэн долоодугаар сарын 19-нийг хүртэл гарна.