ИСТАНБУЛ, 2026 оны арван нэгдүгээр сарын 3 /Anadolu/. 2025 оны аравдугаар сараас хойших хамгийн доод түвшиндээ хүрч унаад байсан алтны үнэ даваа гарагт эргэн өсөж, унц нь 3940 ам.доллароос давсан бол мөнгөний үнэ 50 ам.доллароос дээшилж өсжээ. АНУ-ын завсрын сонгуулийн өмнө газрын тосны үнэ буурсан нь инфляцын өсөлттэй холбоотой болгоомжлолыг намжаасантай холбоотойгоор үнэт металлуудын үнэ өссөн байна.
Үнийн өсөлт
Гринвинчийн цагаар 20:15 цагийн байдлаар алтны үнэ 66.11 ам.доллар буюу 1.70 хувиар өсөж, унц нь 3941.95 ам.долларт хүрчээ. Ингэснээр алтны үнэ баасан гарагт хамгийн доод түвшинд буюу 3870.27 ам.доллароос 72 шахам ам.доллароор өссөн боловч өмнөх уналтын үеэр буурсан 4000 ам.долларын босгоос доогуур хэвээр байна.
Түүнчлэн мөнгөний үнэ сүүлийн 11 сарын хамгийн доод түвшинд хүрсний дараа 3.45 хувиар өсөж, унц нь 50.58 ам.доллар болжээ.
Зах зээлийн мэдээллээс үзэхэд, мөнгөний үнийн өсөлтийн хувь алтныхаас бараг хоёр дахин өндөр байсан хэдий ч сарын өмнөх түвшинтэй харьцуулахад 17.07 хувиар буурсан хэвээр байна. Харин алтны үнэ энэ хугацаанд 4.78 хувиар буурчээ. Өмнөх үнэт металлуудын фьючерс үнийн бууралт энэ өсөлттэй холбоотой.
Өнгөрсөн баасан гарагт хиймэл оюуны салбарын компаниуд, технологийн салбарын хувьцааны үнэ огцом унасны улмаас зарим хөрөнгө оруулагч бэлэн мөнгөний нөөцөө нэмэгдүүлэхээр алтаа худалдаж эхэлж, улмаар алтны үнэ 3.5 хувиар буурсан байна. Мөн бусад хөрөнгө оруулалтын алдагдлаа нөхөхийн тулд нэмэлт барьцаа хөрөнгө гаргах шаардлагатай болсон хөрөнгө оруулагчид алтаа зарсан нь үнийн уналтыг улам нэмэгдүүлжээ.
