Дани улс эхээс хүүхдэд ХДХВ, тэмбүүгийн халдвар дамжихгүй болсноо баталгаажуулсан Европын холбооны анхны орон боллоо. Энэ тухай баасан гарагт Дэлхийн эрүүл мэндийн байгууллага (ДЭМБ) мэдээллээ.
Байгууллагын тэмдэглэснээр, 2021-2024 онд Дани улс халдвар дамжих түвшин бага, жирэмсэн эмэгтэйчүүдэд төрөхийн өмнөх шинжилгээ, эмчилгээнд хамрагдсан зэрэг шаардлагатай бүх үзүүлэлтэд хүрсэн байна.
ДЭМБ-ын Ерөнхий захирал Тедрос Адханом Гебрейюс “Энэхүү амжилт нь улс төрийн хүчтэй амлалт, эрүүл мэндийн анхан шатны тусламж үйлчилгээ, эх, хүүхдийн эрүүл мэндийн цогц үйлчилгээнд тогтвортой хөрөнгө оруулалт хийснээр улс орнууд жирэмсэн эмэгтэй, нярай хүүхэд бүрийг эдгээр өвчнөөс хамгаалж чадна гэдгийг харуулж байна.
ХДХВ, тэмбүүгийн эхээс хүүхдэд дамжих халдварыг устгаснаар жирэмсэн эмэгтэйчүүдийн 95-аас доошгүй хувь нь улсын хэмжээнд шинжилгээ, эмчилгээнд хамрагдаж, нярайн халдварын тоо жилд 100 мянгаас хэтрэхгүй байна.
“Нийгмийн эрүүл мэндийн энэхүү чухал үе шатанд хүрсэн Европын Холбооны анхны орон болсон Дани улсын амжилт нь эхийн эрүүл мэндийн тогтолцооны хүч чадал, жирэмсэн эмэгтэй бүрийг шаардлагатай тусламж, үйлчилгээгээр хангах амлалтаа харуулж байна” гэж ДЭМБ-ын Европын бүсийн захирал Ханс хэлэв.
ХДХВ, тэмбүүгийн халдварыг устгасан нь эмнэлгийн мэргэжилтнүүдийн олон арван жилийн хөдөлмөр, эрүүл мэндийн тогтолцоог хөгжүүлсний үр дүн гэдгийг тус байгууллага тэмдэглэж байна. Мэдээллийн систем, лабораторийн чадавхийг бэхжүүлэх нь чухал үүрэг гүйцэтгэсэн.
Дани улс өмнө нь эхээс хүүхдэд ХДХВ, тэмбүү, гепатит В халдвар дамжихгүй байсан, эсхүл ДЭМБ-аас устгасан тухай гэрчилгээ авсан 20 улс, нутаг дэвсгэрийн жагсаалтад нэгдэв. Үүнд Армен, Беларусь, Молдав зэрэг орно.