АМСТЕРДАМ, 2026 оны наймдугаар сарын 13 /Kazinform/. “Pokémon” болон “Polaroid” компаниуд франчайзийн зарим хамгийн их танигдсан дүрүүд болон дүрснээс сэдэвлэсэн шуурхай зураг авах камер, хальс болон дагалдах хэрэгслүүдийн тусгай цувралыг зах зээлд гаргахаар бэлтгэж байна.
Энэ цуглуулгад гурван камер багтсан гэж “Pokémon”-ий цахим хуудсанд бичсэн байна. Цувралын нэг нь “Poké Ball”-ын дүрстэй улаан, цагаан, хар өнгийн сонголттой бол нөгөө хоёр шинэ загвар нь “Pikachu” болон “Sylveon” хоёрын дүрээс сэдэвлэсэн юм.
“Pikachu Edition” загвар нь тод шаргал өнгөтэй бөгөөд Пикачугийн сүүл шиг оосрын чимэглэлтэй. “Sylveon Edition” нь ягаан-цагаан өнгөний хослолтой бөгөөд ягаан, цагаан, цэнхэр өнгийн оосортой.
Мөн тусгай цувралын хальснууд ч гарах бөгөөд “Pikachu Edition Go” хальс нь Пикачуг янз бүрийн хөгжилтэй байрлалуудтайгаар харуулдаг бол “Sylveon Edition”-ий хальс нь Сильвионий сүүдэр, тууз болон Поке Боллуудаар чимэглэсэн хүрээнүүдтэй юм. “Pokémon Edition i-Type” хальс нь төрөл бүрийн Покемонуудыг багтаасан байна.
Энэхүү цуглуулгад мөн “Poké Ball” сэдэвт дагалдах хэрэгслүүд багтах бөгөөд үүнд оосор, “Polaroid Go” шуурхай камерын хайрцаг болон “Poké Ball” хэлбэртэй зургийн цомог орно.