Улаангом, 2026 оны дөрөвдүгээр сарын 28 //. Увс аймгийн Малчин сумын Баянмандал багийн нутаг дэвсгэр болох Улаанбулагт энэ сарын 27-ны өдөр хадан нуранги үүссэн байна.
Хадан нурангид хүн болон мал, амьтан даруулаагүй байна. Тус сумын ЗДТГ-аас иргэдийг анхаарал болгоомжтой байж, байгалийн гамшиг, эрсдэлээс урьдчилан сэргийлэхийг анхаарууллаа.
Энэ сарын 26-нд Ховд аймгийн Зэрэг, Мөст, Дарви суманд гурван удаагийн давтамжтай газар хөдлөлт бүртгэгдсэн бол энэ сарын 25-нд ОХУ-ын Тува улсад хүчтэй газар хөдөлжээ. Эдгээр газар хөдлөлтийн нөлөөгөөр Малчин сумын Улаанбулагт хадан нуранги үүссэн байж болзошгүй ажээ.
Ойролцоогоор нэг тонн гаруй жинтэй, хоёр метр орчим өндөр хад уулаас ховхорч, 100 орчим метр зайд өнхөрч тогтсон байдалтай байна.
Хадан нуранга өнхөрч ирсэн мөр
Хадан нуранга байсан газар