Өнгөрсөн даваа гаригт “Valve” шинэчилсэн чансаагаа танилцуулж, зуны “CS2 Major” тэмцээнд оролцох 32 баг тодорхойллоо. Чансааг тэргүүлэгч багууд аль хэдийн урилга авсан байсан бол чансаа доогуур багууд шаардлагатай VRS онооны төлөө эцсийн мөч хүртэл өрсөлдсөн юм.
Урилга ба Мэйжорын шатлал
Зохион байгуулагчид Европоос 17 баг, Америк тивээс 10 баг, Азиас 5 баг гэж урьдчилан зарласан.
Оролцогчдыг гурван шатанд хуваасан:
- Гуравдугаар шат – шилдэг 8 баг
- Хоёрдугаар шат– 8 баг
- Нэгдүгээр шат– 16 баг
Гуравдугаар шатанд уригдсан багууд:
- Vitality (EU #1)
- NAVI (EU #2)
- PARIVISION (EU #3)
- Aurora (EU #4)
- Falcons (EU #5)
- MOUZ (EU #6)
- FURIA (AM #1)
- The MongolZ (AS #1)
The MongolZ баг Азиас гуравдугаар шатанд шалгарсан цорын ганц баг.
Хоёрдугаар шат:
- Spirit, Astralis, G2, FUT, Monte
- 9z, paiN, Legacy
Нэгдүгээр шат:
- GamerLegion, BIG, BetBoom, B8, HEROIC, SINNERS
- M80, NRG, Sharks, Gaimin Gladiators, MIBR, Liquid
- TYLOO, Lynn Vision, THUNDER dOWNUNDER, FlyQuest
Урьдчилсан шатны хамгийн том сюрприз
Сүүлийн сар VRS онооны төлөө маш ширүүн өрсөлдөөнтэй байсан бөгөөд хүчтэй багууд хүртэл Tier 2, Tier 3 тэмцээнүүдэд оролцсон.
Үүний хамгийн тод жишээ бол FaZe Clan юм. Тус баг PGL Major Antwerp 2022-ийн аварга, StarLadder Budapest Major 2025-ийн дэд аварга байсан ч чансаа нь эрс унасан.
“Karrigan” буюу Финн Андерсены ахалсан бүрэлдэхүүн эхний тэмцээнээсээ эрт хасагдаж, дараагийн тэмцээндээ финалд ялагдсан.
Үүний үр дүнд Европын чансаанд 21-р байр эзэлж, нэгдүгээр сартай харьцуулахад зургаан байр ахижээ.
FaZe Clan 2016 оноос хойш 16 Мэйжор дараалан оролцсон ч энэ удаа орж чадсангүй.
Европт SINNERS ердөө 6 онооны зөрүүгээр сүүлчийн эрхийг авсан бол 3DMAX, Alliance, Fnatic зэрэг багууд шалгарч чадсангүй. Америкт Passion UA болон BESTIA өрсөлдсөн ч “Senzu”-ийн баг финалд ялагдаж боломжоо алдсан. Сүүлчийн эрхийг Team Liquid авсан.
Азид The MongolZ чансааг илт тэргүүлж,, TYLOO-оос 400 орчим онооны зөрүүтэй байна (1794 vs 1394). Бүс нутгийн өрсөлдөөн ч харьцангуй сул байв.
IEM Cologne Мэйжор 2026 оны 6-р сарын 2-нд эхэлнэ. Үүнээс өмнө багууд таван том тэмцээнд оролцох тул формын өөрчлөлт гарах боломжтой. Одоогийн байдлаар Vitality, The MongolZ, FURIA багуудыг түрүүлэх гол өрсөлдөгчид гэж үзэж байна.