Даланзадгад, 2026 оны нэгдүгээр сарын 23 //. Тэмээн соёлыг түгээн дэлгэрүүлэх, говийн аялал жуулчлалын хугацааг уртасгах зорилготой “Түмэн тэмээний баяр-2026”-ыг хоёрдугаар сарын 6-8-ны өдрүүдэд зохион байгуулна.
Баярын өдрүүдээр МИАТ компани Улаанбаатар–Даланзадгад чиглэлийн нислэгийн тийзэд хямдрал зарласан байна.
Тодруулбал, 2026 оны хоёрдугаар сарын 1-6-ны өдрүүдэд Даланзадгад–Улаанбаатар чиглэлийн нэг талын тийзний эхлэх үнэ 188,100 төгрөг байх бол хоёрдугаар сарын 8-ны өдөр Улаанбаатар–Даланзадгад чиглэлийн нэг талын тийзний эхлэх үнийг 193,050 төгрөгөөр тогтоохоор төлөвлөжээ.
Мөн ахмад настан, хөгжлийн бэрхшээлтэй иргэн, оюутан хөнгөлөлттэй үнээр зорчих боломжтой юм.